Silaw

Sa unang pagsapit

nagkapilipilipit

hindi pumipikit

para lang masulit

May kintab at kinang

nanghihinayang

lahat hinaharang

para walang masayang

Mahirap maglagi

sa aking minimithi

sa aking inaasam

aking dinaramdam

Masaya sana kung tunay

mahiwaga ang buhay

walang kibong reklamo

walang halong talino

Pagsindi ng ilaw

mga mata'y nasilaw

nagising na ulirat

itong aking naisulat

*first published 2008

"Shut your eyes, maglakbay sa panaginip"

the Tanglawan-Deluge literary folio 2008

copyright The Scholastican

Galaw.

magdiwang at lumundag

sa kaligayahang sasalubong

at yayakap sa daigdig

daigdig ng hiwaga

hiwagang may dala

ng walang humpay na pag-asa

ako'y sasayaw

sa saliw ng musika

tayo at sila

tunay na magkakilala

mga pusong umaawit

ng mga sambit na ligaya

pagsasayang pupukaw

sa mga damdaming uhaw

pagsasamang di bibitaw

habambuhay sasayaw

*First published 2009

copyright The Scholastican

-ewak

Tanikala.

Salat sa panahong
ginugol ang maghapon
walang balat na walang saplot
ginaw ay labas sa pagkatao.

tara na sa bulwagan
oras na ng karangalan
heto ang tamang pagkakataon
simulan na ang kahapon.

sa ganitong bukas
walang takas ang nakaraan
ala-ala ng nakalipas
sa pagkababae mo'y nakalimbag.

tara na sa nag-aabang na bukas

tara na

simulan na ang paggapos
sa nahinang puso.

tara.

wag nang pumalag,

sumama ka na..

MARTES, Setyembre 06, 2005

Sinunog mo ang mitsa ko,
kalahati ng buhay na may galit sayo.
simulan mo sa marikit,
tatapusin ko sa pangit.

Pinatay mo, ang anak ng pag-asa,
ngayon!
ikaw ang bida..
wala kang paki-alam, basta napatay mo sya.

Minolestya mo ang ina ng liwanag,
ngayon!
nasa dilim ka..
wala kang paki-alam, basta nakaraos ka.

Nag-aabang ang malambing na kamatayan,
sa ulo mong walang laman.
kapit kamay tayo dati,
ngayon! di na kita kaibigan.

TAPUSIN NA! ang sigaw ko,
sa kalapating dumapo sa balikat.
katauhang nahubad,
dahil sa pag-asang may bukas.

katukin mo ulit,
baka tulog lang.

katukin mo ng malakas!
baka nagpapahinga lang.

ayaw bang buksan?

hwag ka nang matakot,
sa aninong ligaw.
baka anino mo lang yan,
hwag kang sisigaw!

..buksan mo ang ilaw,
baka may kasama ka.
kung wala, takbo na!

hwag ka lang sakin pupunta.

PISNGI ng LANGIT

Mas maganda sigurong mag-paa sa basang lupa
mas maganda sigurong maglaro kung may kalaru ka.
ayoko nang umepal. gusto natin ng dangal.
alam kong may pupuntahan ang jeep ni kuya Cesar.

dilaw, hindi pula ang kulay ng langit.
may asul na buhok nakatali sa pisngi ng ulap.
hiwalay kung hiwalay pero mahirap yata yan...
wirdo ang paligid, nakakatusok.

masakit kung bigla.
manhid kung dahan dahan.

ayoko ng umulit

ayoko ng magkamali.

ayoko ng masaktan.

makirot,

masakit

ayaw na.

umayaw ka na rin sana

SABADO, Hunyo 18, 2005

huwag kang matakot kaibigan
Ikaw may madalas na pagtawanan
hindi nila alam ang tunay na dahilan
ng iyong katauhan

tumakbo ka at tumalikod
ang oras at araw ay maglalaon
ang panahon di ka malalamon
ikaw ang magdidikta

ikaw ang anak ng araw
ang pinanghahawakan mo
ay higit pa sa talim ng kanilang
isip at balaraw
ikaw ang anak ng araw
habol mo ang paglubog at tangan mo
ang kaluluwang di pumapanaw
hindi ka maliligaw

bukas walang makapipigil
kahit pa ang kahapong madilim
hawak mo sa'yong palad
ang kakaibang liwanag

ikaw ang magdidikta ng liwanag
ikaw ang magdidikta ng liwanag
ikaw ang babasag
ikaw ang babasag

Labing tatlong walang kibo.

Maalinsangan ang panahon

‘di makisama sa maghapon

ubod na ng tabang

nilililok na samahan.

Ipinatunay sa mga pangyayari

‘sang maliit na sabi-sabi

ang wawasak sa dambuhalang

nilalang inalagaa’t hinabi

ubos na ang pasensya

wala nang natitira pa

sa mahabang ungutan

ngayon natin malalaman

lagot na ang pusod

Piktal nang hamak

hindi na tanod ang liwanag

sa samahang maalinsangan

Pinawisan na.

hindi na tama.

nalagot nga ba?

o nilagot ko na nga kaya?